جزء من قصيدة مشاحيف السفر
جزء من قصيدة (مشاحيف السفر)
للشاعر ألراحل " عزيز ألسماوي "
ضميره ألسيف وألفالة ، ألتسولف عالجرح والثار
هاك أقرة أبعرگ گصتي ، مذلة وعار
أوج اوتلگة روحي ألنار
وأهيمن لو عرگ گلبي ، وأجيلك سيف ، للدم حار
واطيحن عالدرب خطوات
خطوة أدموع
خطوة افكار
وخطوة أبعيد ، ياخذها ألضوة الوصلك تفل اسرار
ضمير ألسيف من يشهگ
صهيل أحصانة نجم أزرگ
وبألنوم ألثلج يعرگ
"ونشوفك بألحلم مرات"
"ونصليلك سبع مرات"
نبض گلبك يدگ خطوات......
كل خطوة صبح بالراس
كل خطوة شمس بالراس
ثگلان ألحچي بالراس
ياعابر ، الدنية ، ابعطش وجروح
هاغمج العطش بالروح!!
ألطيفك صلت اچفوفي
ويمر ذكرك نهر يجمع سواجي الروح
ها غمج العطش بالروح.
ونصلي اردود
وطيفك من بعيد أيلوح
ونعرگ من سواليفك
وياريت العرگ من دم
نصفن
تغبش الدنية ، بنهار اظلم
وأجيك أعيون عطشانة ، تضوي الدنية لو تلتم
وأشهگ واطبگ اجفوفي ، رمح لچفوف ماترحم
ويدخن گلبي چم مرة
واگلة أشبيك؟
مامش واهس امسليك
يگلي احنة "بنگيصة دم"
1970/ديوان أغاني الدرويش
تعليقات
إرسال تعليق