رباعيات الوطن
رباعيات "الوطن"
شاكر السماوي
• لا ياوطن
كفَّيت انه اوياك العتب
ِكف عني شوگك عاد
يلّي اهجرتني بلا هجر
هجرك جرحني اوزاد
آسگي اوتجيبك وردتك
شوگ اوجرح ورماد
موش انتَ ذاك الوطن
اوبغدادي مو بغداد!
• المهجور الهاجر
ِسد بابك
وتوادع.. أرحم لاآحبابك
لا تآخذني ابدمع ِاعتابك
الموت اهون من اصوابي اومن اصوابك
• ِعدنه وطن، بيه الِمِحن
اشما ِگصْرت ابطول الزمن
اوِعدنه زمن، بيه الوطن
يتمطئ بسنينه ِمحَن
اوِعدنه ِمحَن، بيها الزمن
سوّانه للمِحنه وطن
اوعِدنه ضماير ما دَرَن
بالوطن ضيَّعنا الوطن!
•والعود أبعد
أمشي علئ دروبك شمس
اويجمعني ليلي اوياك
والتم علئ جفنك همس
ويطشني بيَّ اجفاك
وارجع علئ اسنينك أمس
ضايع امضيَّع جاك
واسكت، يناجيك اللمس:
- امن الگاك ما الگاك!
١٩٧٢/٨/٢٦ !
ش.س
تعليقات
إرسال تعليق