تقاسيم للذكرئ البعيده
تقاسيم للذكرئ البعيده
شاكر السماوي
صمتُ صمتاً
سكتُ عن الخير فتحرك وجعي.
دَاوُدَ - المزمور
تعال اوياي هرش،
الگاع..
تنبعني السنينك ماي
تعال اوياي ضيْ،
الروح..
تفرشني الضواك افياي
تعال اوياي نبض،
ادماي..
تصدحني الضميرك ناي
تعال اوياي عُمْر،
الراح ..
يرجعني اعلئ خطوك جاي
تعال اوياي ثوره ،
الناس..
ِتضْويني اعلئ فكرك راي
تعال اوياي لا،
كل لا..
ِتنشدني اعلئ نبضك و الضمير اغناي...
(- چم لا؟..
اهجسها ابتوالي الروح، تنبعني نعم،
شوگك يردها لا!
چم لا؟...
تاخذني ابصحو روحي، حلم،
والشوگ ياخذني ابسكوتي اوياي...
چم لا!
چم لا؟...
آنبع بالصدگ والراي
واذبل بالچذب و الراي
واهجس بيك من مره تجيني اوياي
آصفئ امن النعم و اللا،
أنبع نور، بالنور الزرعته اوياي چم لا،
الك
للروح
للناس
للشوف
للشوگ اليجي بالخوف
للشك اليسوي الروح وسواس
لليمكن يجيبك بالحلم وياي
أحلئ من النعم و اللا.)
ش.س
تعليقات
إرسال تعليق