الكتاب عشرتي اوياه..
الكتاب
ِعشرتي اوياه من طالت عُمُر صارت لي عُمُر ثاني
ِمشئ وياي ظل ابظل
اومشيت اوياه ظل ثاني
اوخلتني سنيني اوياه الگاه:
اكبر اكبر من جليس،
واكثر اكثر من أنيس.
هو روح الثاني سهرانه اعلئ روحي
تنطي ضَيْ، اوتنطي فَيْ
اوتنطي نار، اوتنطي مَيْ.
اومن زُغُر شفت السطور مدرسه،
تمشي بي و أنضوي بيها وآحس :
ينولد بعضي واعيد بعضي بيها من جديد.
و بعشرتي اوياه حسيت ابتدي بيه آنه،
اوروحي خلتني أصير اكبر اكبر مني آنه.
هو دنياي اوطعمها، اوحسي بيها امن أشتهيها وافتديها.
اوبيه بس أشعر ابعِزة وحشتي...
أصلح النفسي جليس.
بالضوه شفته ضوه بين جفني اوبين روحي
يمسح الظلمه اويهدّيني ابجروحي
اوبالظلام ايجيني شمعه،
تاخذني اعيوني اوتدلّيها علئ الدرب الأريد.
الكتاب باب تفتح باب تآخذنه اوتطوف
بينه بالبينه اوتحومي علئ اطراف الوجود،
ضَيْ يضوّي اوينضوي
اويرسم اويمسح حدود ابلا حدود.
اوبالكتاب اتعلَّيمينه نهتدي اونهدي اونشوف
اشما تدلهم ليلنه اوشحَّت علينه اللي تدلّينه اوتقيس.
ش.س
تعليقات
إرسال تعليق