رباعيات شهيد الامل
رباعيات " شهيد الأمل"
شاكر السماوي
الئ رجل الولادة و الشهادة الثورتين، مثالنا المعَّمد بالدم و الصدق و الجدارة، الشهيد
غسان كنفاني.
• ترتيلة في التعارضات
إنتَ بينه ماي يركض بالسراب
أنتَ بينه فرحه تزهِر بالعذاب
إنتَ بينه جنة تسهر بالتراب
وإنتَ بينه ِنشده تكبر لو لگت مره الجواب!
•شي مثل جرحك أمس
احلم بالظلام اچفوف تبر الك
اسمع بالسكوت اظنون تمثالك
أهجس بالسيوف اخيال بخيالك
واندَل بالجروح اعيون چتّالك
• إنتَ بين الناس و انتَ
احنه دمعه البيك تبچي،
اوتفرش اجفونك چفافي.
احنه ليل ينطُر صُبحه،
هلبَت..
من وكت شمسك توافي.
احنه ظلمه البيك ينحتها الزمان..
اشموع تسهر،
صحوه بين اجفون غافي.
واحنه سچينه قوافي،
لاذَت ابجرحك تريدك،
بالنزيف اتكِت عوافي.
• باچر من يجيبك بيك
تندار الحدايق ع السمه شباچ،
يندار اعلئ شمسه...
والگلب ع العين شباچ،
يندار اعلئ نبضه...
والحلم ع الروح شباچ،
يتكذَّل سنابل ..
تنتچي ع الريح شباچ.
ش.س
تعليقات
إرسال تعليق