القصيدة طارق بمرايه
مقطع من
القصيدة طارق بمراية طارق ياسين
إنها - هذه القصيدة -
عنه، و حوله ، و ليست إليه،
لأنه محورها، و مدارها، و بينهما.
إنتَ صوره
وآنه صوره
والعُمُر بيهن تطَّرز ع الرمل خطوات ناگه،
يمحي فَيْها الريح و السچه التجينه
واليطيح - صدفه - بيها اخيال ِجدمه.
لاچن احنه،
ابكل عمر يمكن يجينه
ابكل همس ياخذ حچينه
ابكل وطن يشمِس علينه،
كلمه كلمه، بيت بيت
ندري، ماندري، انتلاگئ.
انتَ حيره
وآنه حيره
اوشيْ يظل بين الصدئ اوسكتة حچينه،
صوت شارد ...
من اعلئ احروفه يجينه
نور يصدح باللي بينه:
- إصمد
إصمد...
اولو زلگ بيك الظلام
دمك اشموسك علئ احلامك تنام.
إصمد
إصمد...
اولو سكت بيك الكلام
تحچي كلَّك نُوح،
وجدانك يجيس كل نبي اخرس،
يصدح ابغير السان من گلبه الكلام.
إصمد
إصمد...
خَلْ يوجَّك كل ضوه الله
اوخَلْ تجيب اعيونك النه من سماها...
نجمه
جلمه
نغمه
كلمه
صوره
فكره
ثوره
ِعبره
ابنادم ايوَّج النه الظلام
اوطارق ابكلهن يجينه،
اومن علئ اعيونه الكلام
يحچي بينه ابلا كلام.
ش.س
تعليقات
إرسال تعليق