اوغفيت آنه...
اوغُفيت آنه.... اعلئ سِچة نجمة ذبَلانه.
غُفيت آنه ...
اوخيالك طاف بظنوني حِلم صاحي
تِشعشَع بين حَد النور و عيوني.
اوشِدَهني اخيالك، اوشوگي
يرفرِفني علئ أعتابه .
شِدَهني، اوشِهگت اجروحي علئ أسرابه.
تعنَّت له گلب ملهوفِ...
لَچَن - يا حيف - رَد بطيوف
خَرسه، اوما رجع للصوت ترجيعه
اويظل ملهوف...
چَف وآشتاگ: لو يلزَم إصابيعه.
تعبت... اوما تعب شوگي،
اوتحيَّرت ابعذابي:
- اشلون مُخلاصي..
من طوگ شوگي البيه شِفِت مُخلاصي؟!
تعبت، اوطيفك ايذبْني
علئ شوگي اليشچّيني، اوأگلَّله:
- تراني اعلئ الجفن ياشوگ ترد يدك،
يلمَّك فوگ ذاك الشوگ و يعيدك
ترآني اببحر دِنياك موجه اتوسَّدت جيدك،
لو طاشَت تريد افراگ...
الشاطي اوتِگع بيدك،
تِتلاشئ...
اوترد گطرات...
بيك اتموت...
و تريدك.
ش.س
1968-02-24
بغداد
تعليقات
إرسال تعليق