الحلاج الكوبي

لكي يموت المرءُ بشرف لا يحتاجُ إلئ رفيق.
ڤيدِل كاسترو

الحَلاّج الكوبي

شفته...
حلم فُضّي ابضَباب احمر،
ِنزع بحره، اولِبَس روحه،
اوتِسرَّج ع البرِد و الريح غيمة نار
تطلگ، و الضوه ديمه.
- جيفاره گلب، لوطاح ...
- تتلَملَم شرايينه.
- لَچَن عُگبه تُفگ رَبعه او مُحبينه وتظل...
مناير تُفرِش الهيمه.
اونِدهُم ريل تتنطَّر فراگينه ... اوعلئ حِسَّه ِصدح صوت ابسوالفِهُم،
صَداه ايسافِر اويه الريح:
/ - علئ اچتاف المشانِق و الشجر و الليل،
إنشِتَل جيفاره بوليڤي.
اوعلئ اخيال المطر و الكوز و الصّياد،
إنشِتَل جيفاره أفريقي .
اوعلئ اجروف النفط و الهيل و الصفصاف،
إنشِتَل جيفاره سومطري.
اوعلئ اضفاف الجروح التلهَث ابتكساس،
إنشِتَل جيفاره زنجي ابيض.
اوعلئ ........../
         ............................../
اوصوت اليوذَّن بالقدس رتَّل:
حيَّ علئ الصلاة،
حيَّ علئ الثورات،
حيَّ اعلئ ......
اوتِفَّززنه اعلئ دِجلتنه، اولگينه اطفالنه اتسولِف:
-.......، اومن مر العَصر شِفناه فوگ اعيون مصلوبه،
يصلّي اعلئ العُطَش و الدم، اويرهَن بالگصب چيله،
اويخُط بخياله من يُعبُر ....
علئ حيطان زقورات سومرنه ، اوعلئ ادروبه:
- مَدري ليش اشوفنَّه الفرات ايمُر علئ كوبا؟

شاكر السماوي
بغداد
1969-09-30

تعليقات

إرسال تعليق

المشاركات الشائعة من هذه المدونة

قصائد مظفر النواب الشعبية

هل تصبح الغربة وطن ؟؟؟؟؟،؟؟؟ سؤال لايعرف إجابته سوى الغريب يجي يوم نرد لأهلنا يجي يوم ....ونرد لأهلنه يجي يوم إنلم حزن الأيام ... وثياب الصبر.... ونرد لأهلنه يجي يوم  الدرب يمشي بكيفه..... وياخذنه الوطنه يجي يوم أنفرّگ الغربة على العالم ملبس والحزن طاسات حنّه زغارنه يعرفون ألهم ظهر بالدنيا ومدينة وناس وجيران و گرايب ما يگللهم طفل: غربة عراقيين  ويموت اللعب بيهم  ياطفل الناس مانعتب على اهلك كلنا غربة لاچن احنه نشوف كل الحزن يحبيب حبايب يجي يوم  زغارنا يعگدون خيط الشمس بدرابين كل الناس بلچي هناك حي الله طفل عن اهله غايب تجي الدرابين تاخذهم للبساتين يلگطون الذهب خستاوي ذايب يجي ذاك اليوم لاچن انه خايف گبل ذاك اليوم تاكلني العگارب يجي يوم الفرح ياخذ كل مساحي الحلم  يحفر ساجية ويسگي العمر  ونگله ياعمي فرح راح الربيع والله طفطرة حزن كل يوم اخذها لمحطة چم محطة چذب مرت .... وشكثر سواق چذابين ياعمي فرح؟ والناس تتشلبه على الفراگين وزعاطيط وزعاطيط افندية شگـلّـك والله جطلة ويخشون بعيوني ويگولولي سريع والله چطلة والله چطلة ولك مخدوعين ... چطلة واصعد ويه الناس هذا اليشت...
قراءة المزيد

ديوان اغاني الدرويش

ديوان اغاني الدرويش _________________:________________________ #كؤوس_الألم...* خطار عدنه الفرح أعلگ صواني إشموع خافن يمر بالعجد رش العجد بدموع ياگلبي وين الحزن ،، حدر الحدر مدفوع دومك توّن ونتك تبچي إبدمع مفج...
قراءة المزيد

النهر الاعمى

هموم عراقية إلَك جبت الشمس ، والنار أقواس إلك صلّت سيوف إمن الفرح تنباس إلك واهس يعدل الفكر بالراس جرحني إعله طولي . فرح . لا باس ورده إتطكَ همومي ، أو ترفع الراس ولو جفّك حرير ، إو خاف ينجاس ولك جيس الورد ، يتلون الياس أهيّس جرحي بجفوفك . جمر ينباس خيط الدم يروح إبعيد  يمتد إبطول الفرات إبعيد يلمض براسي غضب ، ويعيد هاله إجفوفنه ، إتعاند ولا تنداس او صهيل اعيونج ، ايورد حلم ينجاس عيب الناس تمشي ، إبذلة الناس . إلك خضره الأغاني ، اتفيض أنهار وإلك سر الغميج اليشبك أسرار رجف طولي رمح ، يتنطرك ثار أعبدك ، ريح من تلعب لعب بالنار لو دار الزمن ، بالموت إلك نندار فاض الدم بيديك إجروحي أفكار مدري الزمان اختلف . مدري اختلفت الناس وديّت النذر شمسين للعباس كَمره : الصوت من يصعد فرح بالراس يدكَ هذا الضمير ، إبذاك أو يخلي الدم ، يشدّ الناس للناس . الحزن نجمه تطيح إبطارف العين  بجت أمي عليك ، بصدري مرتين ضحك يبج بيديّ أو وَجّت اسنين هاله او كَمرها انداس بالطين أشوفك بالحلم ، تضحك بساتين ذبحني السر عليك ، او دمي صوبين مصلوب اعله بابك . منهو أنتَ ، منين ؟ من تلمض تفكَ . تعركَ جفوف الناس رجف بي...
قراءة المزيد