وقفه مع الوطن
وقفة مع الوطن
من چان المشي يرگص، و الحچي
صورة اوبسامير
رسمناك ابجرحنا ياوطن كل حين
صوره امن الحلم تنشاف عالطين
آوعلگنا لك مساحينه نيازك، والگصب غابة مزامير
أونحتناك ابضوانه اعلئ الروازين
شمس أخيوطها تنزل بساتين.
ياملحك ملح، ياحنضلك حنضل، ياعش، ياعصافير
من تبچي، الدمع احنه
اومن تجي ابتلحين
أحنه اعلئ الصدئ منك تلاحين
يل گلبك مسله، اونبضتك دين
يابيت الشمس، يافيْ، ياتنانير
لو مد الظلام اعله الفجر ليله حياطين
نزحف لك شمس بين الشرايين
وحگ طبعك، وحگ دمعك، وحگ شمعك
وحگ الماي و بيوت المناشير
🌹صدگ ياعراق،
أوبيك نحلف - و الحلف دين -
نسگيه ابدمع لو يعطش التين.
شاكر السماوي
تعليقات
إرسال تعليق