تقاسيم من ذاكرة الطف
تقاسيم من ذاكرة الطف
شاكر السماوي
الحُسَيْن
" يا دهرُ أُف لك من خليلِ
كم لك بالاشراقِ والأصيلِ
من طالبٍ وصاحب قتيلِ
ما أقرب الوعدَ الئ الرحيلِ
والدهر لا يقنعُ بالبديلِ" (١)
عمرو بن سعد
- اشهد يا رمح، يا سيف، يا تالي الغضب
من رميت...
- اوروحي چانت توها مآخذه الطرب -
نبضي إجاني من جرح أول شهيد،
همسه بيها خوفي من دمي انكتب:
- مدري آنه النار؟
مدريني الحطب ؟!
الحُسَيْن
آه أصدعني البرق،
هذا البرقُ كم ؟
آه أوجعني الحقُّ، كم..
أَوجعني دوارُه المستقيم
آه مناْ
آه من ذاك الذي فينا مُّقِيم !
الحر الرياحي
چنت بين الطين والدم
لآني الطين، او لآني الدم
چنت بين السيف والدم
آنه الجرح، اوآنه الدم
چنت بين الناس والدم
فجر اتمطئ ابليل اتلملم
چنت بين الحلم والدم
نص الفرحه، أونص الَهم
اوچنت بين الروح والدم
حلم انشاف، اوشوف اتحلَّم
الحُسَيْن
وحينما تورمتْ في قاعها القبور
وأحترقتْ في ريحِها الطيور
وأُسدلتْ علئ السما ستائرُ النور
كنتُ أنا والزهرةُ الذابلةُ اللون
نَستَرِق السمع الئ إيقاعِ هذا الكون.
الحلاج
- الدنيه ريح
اوروجه بالدم تستريح
اوآخ
(- آخ يا ضحكي اليصيح !)
... الدنيه ريح
وآنه بيها اشراع بخيوطه يطيح
اوليل أصفر ع الضوه الفضي يسيح
الدنيه ريح
اودمي بيها الفارس اوگلبي الجريح
الدنيه ريح
اوآه منها..
إِشاه منكم آه ..
اِشا ....
..................
إِش...
روحي اهجسها بيديكم،
نجمه محترگه ابضواها
اوعيني تركضني وراها...
ابكل سماها اهناك..
اهناك وحدي...
(- آخ يا وحدي علئ روحي انتچيت
ابصفنة الريح
اولگيت،
روحي مثلي...
هَمْ علئ المامش تطيح!)
الحُسَيْن
- آهِ من كاذب البرقِ آه
آه من كاذبِ الطلق آه
آه مني
آه من خَرَسِ المُغني
آه من آتياتٍ تتوحم،
بجراحِ الزمنِ الصفينيَّ وآهٍ،
ِمن " إذا كان ... " وآهٍ ..
منكِ يا ...
" يا سيوفُ خُذيني"
ش.س
تعليقات
إرسال تعليق