ش. خواطر شعرية
خواطر شعرية
شاكر السماوي🌹
بس لك هي الشهامه
***
إجرح
إجرح إجرح
اولو تحبني، من تروح،
لا تخلي الذنبك ابجرحي علامه
إجرح
إجرح إجرح
اولو تحبني، من تروح،
التفت .. تلگئ گلبي ابجرحي طالع لك حمامه
................
مشهد بعد العرض
**
اومن تلاگينه
اوتوادعنه
اومشيت...
التفت گلبي علي:
-من توادعتوا اوجيت ،
ابتالي رفه من جفنهم مدري..
مدري اشنسيت ؟
..................
كل واحد، عدا واحد
**
وأنه توني- اويه الفجر-
توني صحيت ...
انتجئ المغرب علئ روحي اوغفيت!
...................
شوگين اوفجر
**
كل غُبشه يندهني الدُفو
و اعبر علئ اجناحك ريح.
واتخايلك بيدي تمر
نجمه ِغسلها التصبيح،
واتخايل اگليبي ِطفل
ماضاگ طعم التجريح
اوخصرك علئ افراش العشگ
روجه اولعَب بيها الريح.
......................
صدفه
**
چنت آنه نار ابلا ضوه.
اوچنت انت شَط ابلا ريح.
اومابين شطك و الضوء....
جآنه اليوچ ريح ابريح
ش.س🌹
تعليقات
إرسال تعليق