ش. بعصر السرعه

ابعصر السرعة
شاكر السماوي 🌹

گطّان چَنّي ِطحت ما بين عَچله فأل،
واحد للاخر يگلَّه:
       -هو ِلَك نُوحه!
                "حجي زاير"

جيت اولايتهم، و بشوگي
       ِحلم الفلاح ابجاته.
لاچن ياحيف!... اويالاچن
      رحت اويه الذيب ابغاباته.
ِشفت ابنادم فوگ الشارع
      غرگان ابيومه اوحسباته.
وجه ايِشك البُرگع ِجفنه
      اووجه امصبُّط كل ِعلباته.
والليل اصفر وجهه اوصاير
      حايط يلهث بگلوباته.
اووجه الصبح اسود، دخانه
       ايشربنه السم جُرعه ابجُرعه.
                    الموت اقساط ابعصر السرعه!
•••••••••••••••••
تتخاطَف سيگان اليمشي
     يتراوئ لك ريح اتگوده.
ماتسمع شهگه ابضحكاته
    مَملُوجه الضحكه اعلئ اخدوده
امحصن بالدبابه اوعايش
    خايف من ريحة باروده.
ع الگاع اويآمر ع النجمه
    حسباله النجمات اجنوده.

آنه اوآنه، اوآنه اوآنه
     اوفنَّك تعرف وين حدوده؟!
اولوِگتله اشدعوه ابهالانه
     گلك: آنه اهتم بالسرعه،
             اشلون اتباطئ ابعصر السرعه!
•••••••••••••••••
يرطن، وشما يحچي ايريدك
       سّماعه اتكبر له الغازه!
يتباهون البنگ ابفيّه
       نايم ِمعتاز اومعتازه !!
عطشان ابنادم مهم يشرب
      من دم احصانه اومهمازه
يچذب بعيون اوبظنونه
     ويگلك: كل حچيي المازه!
حتئ الميت ِعدهُم حاير
       يتلفَّت، ماِمش جنّازه!
چقهم فاله اتِحز ابريتك
       و تگلَّك: دمَّك شيجَمعه ؟!
            ِشد اجروحك، ِشدها ابسرعه!
••••••••••••••••••••••••
احچاية احنه، اوهُمَّ، اوانتم
          صارت آنه، اوهوَّ، اوانتَ.
و الميت هلهوله ابدمعه
          والزَّفه اتمُر مَرَّة نكته!
والبسمه اعلئ اشفاف النكته
          تزحَف فوگ اظنون السخته.
ماِمش لا نَشمي ايِرد عايل
          ولا ديوان اتلوذ ابجْيته.
حتئ الچَف الِعدهم يجِذب
         چَن چَف ميت لو صافحته .
اولو صافح وچفوفك هزْها
        صَدّٓگ شاف اچفوفك سِلعه
             تنفع، يصعد بيها ابسرعه!
•••••••••••••••••••••
چاشنهي ؟ اشصارت هالواِدم
        ماحال اليُعرف ِشبحالي؟!
ماِمش لا ِنسمه، اولاريه
        چاِلي ايگابح ذاك الچالي.
امناحَر يطفئ ، امناحَر يثگبُ
        ينصئ الناصي اويعلئ العالي.
اوبس الطاگ اوطيگ اببالي
        و الخوف الدايم يبرالي.
چفي اوروحي او گلبي او عقلي
         خردة سوگ ابچف دَلاّلي.
تفتر ع الشرايه ابصَنطه،
          خَرسه، اوچَنها احچاية دمعه.
                 واليسمع اطرش بالسرعه!
••••••••••••••••••••
وبنادم بعيون ابنادم،
          ِجلد اوغايص حَدر اضلوعه
وبنادم چَن عود، اوتاره
          بيدين العازف مگطوعه
فاِرس دايس كل راياته
           اوبيده ايثلّٓم كل ادروعه!
مشدوه اتمرجَح بظنونه
           بين اجروحه اوبين ادموعه
هايم، بيده اشموع اويفتر
           بالظهريه ايدوّٓر اشموعه!
تايه، ِمتدوهِن، ِمتَوَهوه ،
           خطوه اتجيبه، اوخطوه اترجعه،
                 و السرعه اتِشگ روحه ابسرعه!
••••••••••••••••••••••
ياروحي اشلون ِابْبلوانه
         ِتهنَّه، اوعافتنه العَّرافه
ابنادم مو ذاك ابنادمنه،
        خافَك، وانت اتعيش اتخافه!
أملس بلسانه ، اووجدانه
        خنجر مسمومات اطرافه.
لا ِيندل إلا ادروبه امبينه
         اولا تفهم ِشتريد اشفافه.
لو قادَك !قادَك للمامِش
        اولو قِدته اغتالك و تعافئ،
ريته اليخِلق لو سوّاني
       صُبيره ابرملات الرَّبْعه،
             اولاتاج اتمرِجح بيه سرعه!
            ••••••••••••••••••••••••••••
بغداد
١٩٦٨/٠٢/٢٢!
ش.س🌹

تعليقات

إرسال تعليق

المشاركات الشائعة من هذه المدونة

قصائد مظفر النواب الشعبية

هل تصبح الغربة وطن ؟؟؟؟؟،؟؟؟ سؤال لايعرف إجابته سوى الغريب يجي يوم نرد لأهلنا يجي يوم ....ونرد لأهلنه يجي يوم إنلم حزن الأيام ... وثياب الصبر.... ونرد لأهلنه يجي يوم  الدرب يمشي بكيفه..... وياخذنه الوطنه يجي يوم أنفرّگ الغربة على العالم ملبس والحزن طاسات حنّه زغارنه يعرفون ألهم ظهر بالدنيا ومدينة وناس وجيران و گرايب ما يگللهم طفل: غربة عراقيين  ويموت اللعب بيهم  ياطفل الناس مانعتب على اهلك كلنا غربة لاچن احنه نشوف كل الحزن يحبيب حبايب يجي يوم  زغارنا يعگدون خيط الشمس بدرابين كل الناس بلچي هناك حي الله طفل عن اهله غايب تجي الدرابين تاخذهم للبساتين يلگطون الذهب خستاوي ذايب يجي ذاك اليوم لاچن انه خايف گبل ذاك اليوم تاكلني العگارب يجي يوم الفرح ياخذ كل مساحي الحلم  يحفر ساجية ويسگي العمر  ونگله ياعمي فرح راح الربيع والله طفطرة حزن كل يوم اخذها لمحطة چم محطة چذب مرت .... وشكثر سواق چذابين ياعمي فرح؟ والناس تتشلبه على الفراگين وزعاطيط وزعاطيط افندية شگـلّـك والله جطلة ويخشون بعيوني ويگولولي سريع والله چطلة والله چطلة ولك مخدوعين ... چطلة واصعد ويه الناس هذا اليشت...
قراءة المزيد

ديوان اغاني الدرويش

ديوان اغاني الدرويش _________________:________________________ #كؤوس_الألم...* خطار عدنه الفرح أعلگ صواني إشموع خافن يمر بالعجد رش العجد بدموع ياگلبي وين الحزن ،، حدر الحدر مدفوع دومك توّن ونتك تبچي إبدمع مفج...
قراءة المزيد

النهر الاعمى

هموم عراقية إلَك جبت الشمس ، والنار أقواس إلك صلّت سيوف إمن الفرح تنباس إلك واهس يعدل الفكر بالراس جرحني إعله طولي . فرح . لا باس ورده إتطكَ همومي ، أو ترفع الراس ولو جفّك حرير ، إو خاف ينجاس ولك جيس الورد ، يتلون الياس أهيّس جرحي بجفوفك . جمر ينباس خيط الدم يروح إبعيد  يمتد إبطول الفرات إبعيد يلمض براسي غضب ، ويعيد هاله إجفوفنه ، إتعاند ولا تنداس او صهيل اعيونج ، ايورد حلم ينجاس عيب الناس تمشي ، إبذلة الناس . إلك خضره الأغاني ، اتفيض أنهار وإلك سر الغميج اليشبك أسرار رجف طولي رمح ، يتنطرك ثار أعبدك ، ريح من تلعب لعب بالنار لو دار الزمن ، بالموت إلك نندار فاض الدم بيديك إجروحي أفكار مدري الزمان اختلف . مدري اختلفت الناس وديّت النذر شمسين للعباس كَمره : الصوت من يصعد فرح بالراس يدكَ هذا الضمير ، إبذاك أو يخلي الدم ، يشدّ الناس للناس . الحزن نجمه تطيح إبطارف العين  بجت أمي عليك ، بصدري مرتين ضحك يبج بيديّ أو وَجّت اسنين هاله او كَمرها انداس بالطين أشوفك بالحلم ، تضحك بساتين ذبحني السر عليك ، او دمي صوبين مصلوب اعله بابك . منهو أنتَ ، منين ؟ من تلمض تفكَ . تعركَ جفوف الناس رجف بي...
قراءة المزيد