شاكر السماوي ٧

فتئ الضلوعية
2005/04/09
ما چنت اعرف رسمه او إسمه
بس شفته اسمر بالدشداشة ،
واكف نخلة ابنص نخلاته.
واكف وايده النص رشاشه
يعلن بيها ، و برعشة صوته الما تنحس
عزمه اليتنشد عن فعله
او حسمه اللي ايتوج بيه حلَّه.
و عيونه التبچي ابلا دمعه،
او نيران التتوامَض ثار.
او گال ابنيرة صوته الحاسِم
-او رب الكون!
هامات النخلات الطاحت
تنرد خمسه ابخمسه روس،
من جيش المحتل،
و الغادر،
و اللي ايخون

او مايهدئ ابها الگاع الثار
إلا ابردنا اليهدر نار:
تحِلف بالثوره اوبالثار،
و البادي أظلم...
اوخل يتلگئ الرَّد اليكبر
اومن بيت النَّخلات انگلهم:
احنه الصَّد و احنه الرَّد،
و احنه الحَد البيه كل غاشِم لازم يعثر.

شاكر السماوي
ش.س🌹

تعليقات

إرسال تعليق

المشاركات الشائعة من هذه المدونة

قصائد مظفر النواب الشعبية

هل تصبح الغربة وطن ؟؟؟؟؟،؟؟؟ سؤال لايعرف إجابته سوى الغريب يجي يوم نرد لأهلنا يجي يوم ....ونرد لأهلنه يجي يوم إنلم حزن الأيام ... وثياب الصبر.... ونرد لأهلنه يجي يوم  الدرب يمشي بكيفه..... وياخذنه الوطنه يجي يوم أنفرّگ الغربة على العالم ملبس والحزن طاسات حنّه زغارنه يعرفون ألهم ظهر بالدنيا ومدينة وناس وجيران و گرايب ما يگللهم طفل: غربة عراقيين  ويموت اللعب بيهم  ياطفل الناس مانعتب على اهلك كلنا غربة لاچن احنه نشوف كل الحزن يحبيب حبايب يجي يوم  زغارنا يعگدون خيط الشمس بدرابين كل الناس بلچي هناك حي الله طفل عن اهله غايب تجي الدرابين تاخذهم للبساتين يلگطون الذهب خستاوي ذايب يجي ذاك اليوم لاچن انه خايف گبل ذاك اليوم تاكلني العگارب يجي يوم الفرح ياخذ كل مساحي الحلم  يحفر ساجية ويسگي العمر  ونگله ياعمي فرح راح الربيع والله طفطرة حزن كل يوم اخذها لمحطة چم محطة چذب مرت .... وشكثر سواق چذابين ياعمي فرح؟ والناس تتشلبه على الفراگين وزعاطيط وزعاطيط افندية شگـلّـك والله جطلة ويخشون بعيوني ويگولولي سريع والله چطلة والله چطلة ولك مخدوعين ... چطلة واصعد ويه الناس هذا اليشت...
قراءة المزيد

ديوان اغاني الدرويش

ديوان اغاني الدرويش _________________:________________________ #كؤوس_الألم...* خطار عدنه الفرح أعلگ صواني إشموع خافن يمر بالعجد رش العجد بدموع ياگلبي وين الحزن ،، حدر الحدر مدفوع دومك توّن ونتك تبچي إبدمع مفج...
قراءة المزيد

النهر الاعمى

هموم عراقية إلَك جبت الشمس ، والنار أقواس إلك صلّت سيوف إمن الفرح تنباس إلك واهس يعدل الفكر بالراس جرحني إعله طولي . فرح . لا باس ورده إتطكَ همومي ، أو ترفع الراس ولو جفّك حرير ، إو خاف ينجاس ولك جيس الورد ، يتلون الياس أهيّس جرحي بجفوفك . جمر ينباس خيط الدم يروح إبعيد  يمتد إبطول الفرات إبعيد يلمض براسي غضب ، ويعيد هاله إجفوفنه ، إتعاند ولا تنداس او صهيل اعيونج ، ايورد حلم ينجاس عيب الناس تمشي ، إبذلة الناس . إلك خضره الأغاني ، اتفيض أنهار وإلك سر الغميج اليشبك أسرار رجف طولي رمح ، يتنطرك ثار أعبدك ، ريح من تلعب لعب بالنار لو دار الزمن ، بالموت إلك نندار فاض الدم بيديك إجروحي أفكار مدري الزمان اختلف . مدري اختلفت الناس وديّت النذر شمسين للعباس كَمره : الصوت من يصعد فرح بالراس يدكَ هذا الضمير ، إبذاك أو يخلي الدم ، يشدّ الناس للناس . الحزن نجمه تطيح إبطارف العين  بجت أمي عليك ، بصدري مرتين ضحك يبج بيديّ أو وَجّت اسنين هاله او كَمرها انداس بالطين أشوفك بالحلم ، تضحك بساتين ذبحني السر عليك ، او دمي صوبين مصلوب اعله بابك . منهو أنتَ ، منين ؟ من تلمض تفكَ . تعركَ جفوف الناس رجف بي...
قراءة المزيد