شاكر السماوي ١

لو حلم، لو مو حلم
(قصيدة مونتاجية)

شاكر السماوي

بالقطار
الغبشه مسحت ليلها أوناس القطار .
...........................................
المطر فجري ينث
والسمه اعلىٓ الگاع تمشي امرايه زرگه اعلىَ الضباب
والشبابيچ الخُضُر، بالضوه الفضي، تعبها أخضر بعيني ينث
* چنت اقرئ، والكتاب  يترس اعيوني سراب أوهي  چانت نوم، بس بيها سهرها      اعلى جفن يزحف ضباب
والخَدَر غيمه تطوف عالوجوه السافر ابدمها التعب
والوجوه اتلولحت فوگ المقاعد،
اورود ذبلانه مسح فْيها النهار
* اوچان كرسي يَمي خالي،
       اوعيني متروسه سهر
    اوهيَّ كرسي يَمها خالي،
جاسته ابرجفه اوتثاوب،
ينفض ابعيني الَخدَر
.....................................
بالقطار
الگاع چانت سوره تفتر عالقطار.
...............................
عيني درات تمسح الليل اونعاس اجفون ذبلّها السفر، اتغوص بوجوه احترگ بيه الزمان، اوعالكراسي اتحنّطت تمثال يلهث بالصخر. / اورغبه صارت بيَ اشوفن، ليش بيها النوم ذكرني ابطعم كل السهر ؟!/ اوخذني و سواسي صور .......
(- شنهو طعم الذاكره ابتمثال لومره ذكر ؟
    شنهو معنىَ اللون لو تحچي الصور ؟
    شنهو ذكرىَ الصوت من چان ابوتر ؟
    شنهو شكل الموت بعيون انتحر ؟)
اوجتني من باب الضوه جثه شايل چفها راس
اوچفنتني الصفنه و الخوفه - النعاس
* اِلهيَّ رعشت منها وجنه
       اووجنه ساحت بالظلام
       الجثه حطت راسها ابراسها اوراحت تنام
           بالقطار
           السچه چانت تركض ابتالي القطار
               ..........................................
ضحچه طلگت
     اوطفله چانت تبچي مخنوگه ابحلم
حسره زلگت
     والشفايف عالشفايف تنثلم
نسمه عرگت
     والنفس حدر الظلام روجه تعلىَ اوتنهدم
العاشگ ابطبگة كتابي،
     شفته رگبه ابطعنة الخنجر حچت
والوجه اِلهَّي ركض صرخه بعيوني بچت
* الجثه، چفها اتهدّل اعلى الصُره اصابع من شمع
       الهيَّ، بسمة خوف بيضه اتشنطت حدر الدمع
- انت چنتي اهنا ؟
- من گبل ذيچ الشمس .
- آنه چنت اهنا ؟
- من اجت ذيچ الشمس .
- الهوَّ چان هنا ؟
- من مشت ذيچ الشمس .
بالقطار
الناس چانت ريه تلهث بالقطار
......................................
السمه امرايه علىَ الفضه تشيل غيمها اليمشي جُزُر
والمطر يزحف دموع عالشبابيچ الخُضُر
والكتاب يكبر اولايه علىَ اعيوني التغيب ابكل سطر
* اِلهَّي يزلگ ثوبها حدر الخصر
       الچثه مدت چفها دم ....
                               يفتر ابحّز النحَر
اوبيَّ رجفت عالرموش ادموع بالصنطه مشت
اوغيمه بجفوني صورها لينه، والفضه نجوم،
                            خضره بعيوني ضوَت
* اِلهيَّ، ثوبها اعلىَ الساگ ينزل،
                           ماي يمش ظلمه بوشالة نهر
الجثه، بشفاف الشمع،
       زخه تلهث عالچفوف
           اوعالگصايب والهنود،
                 اِلهَّي تتشمَّع على البوسه التغيب
                                     اوتلمع ابتالي الأثر
...............
بالقطار
الوجوه اجراص خرسه تهتز ابحس القطار
........................................
الشبابيچ الخُضُر مسحت ابضَيْها المطر
والقطار عتعت السچه الخِدَر بيها النظر
والسمه، الغيم ابتواليها نشف بيه النهر
* الجثه زحفت بالشفايف عالشفايف ...
                                     روجه تغرگ بالبحر
اوراسها امرايه علىَ اِلهَّي تظل تمطر صور
اِلهَّي عالكرسي تلاشت ........................
                                     غيمه زلگت بالمطر
اوركضت اعلىَ الشوف روحي،
غُبشه زاحت كل سماها
اوهدت اعلىَ الليل ذاكَ كل ضواها،
           شمس حطت عالشبابيچ الخُضُر
* اِلهَّي لبست وجه الجثه اليموع،
                                 شمعه بخيوط الشمس
الجثه نامت، اخيال يكبر باللمس
اومسحت اعيوني الشمس
وآنه بكتابي - النعاس، سافرت ويه الهمس
                              اطيوف من باچر وامس
* اوچان الكرسي اليمي خالي
       اوچان كرسي اِلهَّي - يمكن - چان خالي
                      .....................................
بالقطار
الناس تهتز عالكراسي غابه تذبل بالقطار
.................................
.................................
* تعليق على ما حدث •
        اِلهَّي معشوگه تذوب بالعشگ گبل النهار
        الجثه عاشگ نحرته اِلهَّي اعلىَ كرسي لسه     خالي ابكل قطار

1972-2-11
الشاعر شاكر السماوي  

للشعر للشعر الشعر

تعليقات

إرسال تعليق

المشاركات الشائعة من هذه المدونة

قصائد مظفر النواب الشعبية

هل تصبح الغربة وطن ؟؟؟؟؟،؟؟؟ سؤال لايعرف إجابته سوى الغريب يجي يوم نرد لأهلنا يجي يوم ....ونرد لأهلنه يجي يوم إنلم حزن الأيام ... وثياب الصبر.... ونرد لأهلنه يجي يوم  الدرب يمشي بكيفه..... وياخذنه الوطنه يجي يوم أنفرّگ الغربة على العالم ملبس والحزن طاسات حنّه زغارنه يعرفون ألهم ظهر بالدنيا ومدينة وناس وجيران و گرايب ما يگللهم طفل: غربة عراقيين  ويموت اللعب بيهم  ياطفل الناس مانعتب على اهلك كلنا غربة لاچن احنه نشوف كل الحزن يحبيب حبايب يجي يوم  زغارنا يعگدون خيط الشمس بدرابين كل الناس بلچي هناك حي الله طفل عن اهله غايب تجي الدرابين تاخذهم للبساتين يلگطون الذهب خستاوي ذايب يجي ذاك اليوم لاچن انه خايف گبل ذاك اليوم تاكلني العگارب يجي يوم الفرح ياخذ كل مساحي الحلم  يحفر ساجية ويسگي العمر  ونگله ياعمي فرح راح الربيع والله طفطرة حزن كل يوم اخذها لمحطة چم محطة چذب مرت .... وشكثر سواق چذابين ياعمي فرح؟ والناس تتشلبه على الفراگين وزعاطيط وزعاطيط افندية شگـلّـك والله جطلة ويخشون بعيوني ويگولولي سريع والله چطلة والله چطلة ولك مخدوعين ... چطلة واصعد ويه الناس هذا اليشت...
قراءة المزيد

ديوان اغاني الدرويش

ديوان اغاني الدرويش _________________:________________________ #كؤوس_الألم...* خطار عدنه الفرح أعلگ صواني إشموع خافن يمر بالعجد رش العجد بدموع ياگلبي وين الحزن ،، حدر الحدر مدفوع دومك توّن ونتك تبچي إبدمع مفج...
قراءة المزيد

النهر الاعمى

هموم عراقية إلَك جبت الشمس ، والنار أقواس إلك صلّت سيوف إمن الفرح تنباس إلك واهس يعدل الفكر بالراس جرحني إعله طولي . فرح . لا باس ورده إتطكَ همومي ، أو ترفع الراس ولو جفّك حرير ، إو خاف ينجاس ولك جيس الورد ، يتلون الياس أهيّس جرحي بجفوفك . جمر ينباس خيط الدم يروح إبعيد  يمتد إبطول الفرات إبعيد يلمض براسي غضب ، ويعيد هاله إجفوفنه ، إتعاند ولا تنداس او صهيل اعيونج ، ايورد حلم ينجاس عيب الناس تمشي ، إبذلة الناس . إلك خضره الأغاني ، اتفيض أنهار وإلك سر الغميج اليشبك أسرار رجف طولي رمح ، يتنطرك ثار أعبدك ، ريح من تلعب لعب بالنار لو دار الزمن ، بالموت إلك نندار فاض الدم بيديك إجروحي أفكار مدري الزمان اختلف . مدري اختلفت الناس وديّت النذر شمسين للعباس كَمره : الصوت من يصعد فرح بالراس يدكَ هذا الضمير ، إبذاك أو يخلي الدم ، يشدّ الناس للناس . الحزن نجمه تطيح إبطارف العين  بجت أمي عليك ، بصدري مرتين ضحك يبج بيديّ أو وَجّت اسنين هاله او كَمرها انداس بالطين أشوفك بالحلم ، تضحك بساتين ذبحني السر عليك ، او دمي صوبين مصلوب اعله بابك . منهو أنتَ ، منين ؟ من تلمض تفكَ . تعركَ جفوف الناس رجف بي...
قراءة المزيد